Nolako jokoa da?

1. Jokoa Interneten garatuko da, maletilla.gara.net webgunean, azaroaren 18tik abenduaren 15era.
2. Jokoak ematen dituen harribitxiak GARAko orrialdeetan argitaratuko dira egunero.
3. Lau astez, txandaka, plazako zezenek bertsotarako gaia jarriko dute, eta maletillek bertso edo kopla bidez erantzun beharko diete.
   1. korrida: Xabier Paya. Azaroaren18tik azaroaren 24ra.
   2. korrida: Maialen Lujanbio. Azaroaren 25etik abenduaren 1era.
   3. korrida: Xabier Silveira. Abenduaren 2tik abenduaren 8ra.
   4. korrida: Andoni Egaña. Abenduaren 9tik abenduaren 15era.
4. Maletillek bertsoak zortziko txikian egingo dituzte, eta koplak neurri txikian.
5. Bertsoak webgunetik bidali beharko dira, eta koplak webgunetik nahiz SMS bidez.
6. Ez dago parte hartzeko inolako mugarik; jokalari bakoitzak nahi beste bertso edo kopla bidal dezake.
7. Epaile talde batek puntuatuko ditu bidalitako bertso eta kopla guztiak.
   Hauek dira epaileak.
   • Asier Ibaibarriaga
   • Maialen Arzallus
   • Aitzol Astigarraga
   • Alaia Martin
   • Laxaro Azkune
   • Josu Telleria
8. Gainera, publikoak botua eman ahalko die bertso nahiz koplei, webgunean.
9. Larunbateko GARAn argitaratuko da korrida osoa, maletillen bertso nahiz kopla onenekin eta aste horretako bertsolariaren erantzunekin.

Nola parte hartu jokoan?

Izen-ematea eskatuko da (sariak banatu ahal izateko)

Izen-abizenak

Emaila

Goitizena

Herria

Bertsoak bidaltzeko

Webgunetik soilik bidali ahalko dira. http://maletilla.gara.net

Koplak bidaltzeko

Koplak SMS bidez edo webgunetik bidali ahalko dira.
SMSa 5533 zenbakira bidali behar da, honako testuarekin eta formatuarekin:
KOPLA (tartea) Izena.Abizena.Herria. Koplaren lehen lerroa. Koplaren bigarren lerroa. Koplaren hirugarren lerroa. Koplaren laugarren lerroa
Adibidea:
KOPLA June.Basterretxea.Urretxu. Maritxu nora zoaz. Eder galant hori. Iturrira Bartolo. Nahi badezu etorri
SMS bakoitzaren kostua 0,60 € + BEZ.

Botuak

Publikoak gogoko koplak eta bertsoak bozkatu ahalko ditu. Horretarako webgunera jo beharko da.

SARIAK

Mallorcara bidaia

Lau korridetako bertso eta kopla onenen artean zozketatzeko.

Nekazal turismo batean asteburua

Asteko bertso eta kopla onenarentzat, bi pertsonentzat.

Gipuzkoako Bertsolari Txapelketako Finalerako sarrerak

Astero 10 sarrera zozketatuko dira parte-hartzaile guztien artean, koplakariak barne.

Asteko bertso eta kopla bozkatuenentzat, bina sarrera.

Kamisetak

Egunero puntuazio onena hartu duten bertsoak sarituko dira.

Maletillen Matxinada bertso-afarirako gonbidapena

Astero bi lagunentzat bina sarrera zozketatuko dira parte-hartzaile guztien artean.

• Bertsolariak: Andoni Egaña, Xabier Silveira, Xabier Paya, Maialen Lujanbio, maletillak eta bertaratuko diren guztiak.
• Eguna: Urtarrilak 12, larunbata
• Lekua: Lizeaga sagardotegia. Astigarraga (Gipuzkoa)